მესამე International Excellence School-ში მონაწილეობისათვის განაცხადების მიღება დაიწყო
უმაღლესი განათლების ინტერნაციონალიზაციის ხელშეწყობის მიზნით, 2025 წლის 24-26 იანვარს, ქ. ქუთაისში, მესამე საერთაშორისო Excellence school ჩატარდება.
მესამე საერთაშორისო Excellence school-ის თემატიკაა: „ინტელექტუალური საკუთრება უმაღლეს განათლებაში“.
ღონისძიებას უმასპინძლებს ქუთაისის საერთაშორისო უნივერსიტეტი, აკაკი წერეთლის სახელმწიფო უნივერსიტეტთან პარტნიორობით.
მესამე საერთაშორისო Excellence school-ში მონაწილეობის მისაღებად განაცხადის წარმოდგენის ბოლო ვადაა: 2024 წლის 15 ნოემბერი, 16:00 საათი.
დეტალური ინფორმაციის გასაცნობად, გთხოვთ, იხილოთ საინფორმაციო ბუკლეტი.
დამატებითი კითხვების შემთხვევაში, ორგანიზატორებთან დაკავშირებას შეძლებთ შემდეგი ელ. ფოსტის გამოყენებით: internationalisation_georgia@savvybusiness.eu
International Excellence School-ის ჩატარება მიზნად ისახავს ადრეული კარიერის მკვლევრებისა (მაგ. დოქტორანტები, პოსტდოქტორანტები და მკვლევრები დოქტორის ხარისხის მინიჭებიდან 5 წლის განმავლობაში) და აკადემიური პერსონალის მომზადებას კვლევის მართვისა და ინოვაციის საუკეთესო პრაქტიკის მიხედვით. ძირითადი ამოცანაა, ქართულ უნივერსიტეტებში კვლევის შესაძლებლობების გაძლიერება, მათი კვლევითი სტრუქტურების, პროცესებისა და შედეგების ხარისხის გაუმჯობესება.