STEAM პროექტების ეროვნული კონკურსის „მომავლის საქართველო 2025“ დასკვნითი კონფერენცია ჩატარდა
27 ნოემბერს, თბილისში, წარმატებით ჩატარდა STEAM პროექტების ეროვნული კონკურსის „მომავლის საქართველო 2025“ დასკვნითი კონფერენცია.
კონფერენციაზე ქვეყნის მასშტაბით შერჩეული 30 საუკეთესო STEAM პროექტი იყო წარმოდგენილი. მოსწავლეებმა კი წარმოადგინეს მომავლის ინოვაციური ხედვები და გამოავლინეს მათი უნარები: გამართეს პრეზენტაციები, სადაც დეტალურად ისაუბრეს პროექტების მომზადების, იდეის გენერირებისა და მუშაობის პროცესებზე.
სერტიფიკატებითა და 500-ლარიანი ვაუჩერებით დაჯილდოვდნენ ეროვნული კონკურსის საუკეთესო ფინალისტები:
- სსიპ ქალაქ მცხეთის №2 საჯარო სკოლა
- სსიპ ვაჟა-ფშაველას სახ.ქალაქ დუშეთის №1 საჯარო სკოლა
- სსიპ ქალაქ რუსთავის №7 საჯარო სკოლა
- სსიპ ქალაქ მარნეულის №5 საჯარო სკოლა
- სსიპ გია მოსეშვილის სახელობის სიღნაღის მუნიციპალიტეტის სოფელ ქვემო ბოდბის საჯარო სკოლა
- სსიპ ქალაქ ბოლნისის №5 საჯარო სკოლა
- სსიპ ქალაქ ყვარლის №2 საჯარო სკოლა
- სსიპ ქალაქ დედოფლისწყაროს №1 საჯარო სკოლა
- სსიპ დავით გურამიშვილის სახელობის მცხეთის მუნიციპალიტეტის სოფელ საგურამოს საჯარო სკოლა
- სსიპ მირზა გელოვანის სახელობის დაბა თიანეთის №1 საჯარო სკოლა
- სსიპ ქალაქ თბილისის №182 საჯარო სკოლა
- სსიპ ქალაქ თბილისის N126 საჯარო სკოლა
- სსიპ შოთა რუსთაველის სახელობის ქალაქ რუსთავის №2 საჯარო სკოლა
- სსიპ ქალაქ ბორჯომის №6 საჯარო სკოლა
- სსიპ ექვთიმე თაყაიშვილის სახელობის ხაშურის მუნიციპალიტეტის დაბა სურამის №2 საჯარო სკოლა
- სსიპ ქალაქ ჭიათურის №7 საჯარო სკოლა
- სსიპ ქალაქ ქუთაისის №35 საჯარო სკოლა
- სსიპ ქალაქ ქუთაისის №33 საჯარო სკოლა
- სსიპ დაბა ხარაგაულის №2 საჯარო სკოლა
- სსიპ ხარაგაულის მუნიციპალიტეტის სოფელ ბორითის საჯარო სკოლა
- სსიპ ხონის მუნიციპალიტეტის სოფელ კუხის საჯარო სკოლა
- სსიპ დაბა ლენტეხის №1 საჯარო სკოლა
- სსიპ ნიკო მარის სახელობის დაბა ჩოხატაურის №1 საჯარო სკოლა
- სსიპ მურთაზ ირემაძის სახელობის ჩოხატაურის მუნიციპალიტეტის სოფელ ზოტის საჯარო
- სსიპ ხელვაჩაურის მუნიციპალიტეტის სოფელ ფერიის საჯარო სკოლა
- სსიპ მარნეულის მუნიციპალიტეტის სოფელ შაუმიანის №1 საჯარო სკოლა
- სსიპ ახალციხის მუნიციპალიტეტის სოფელ წყრუთის საჯარო სკოლა
- სსიპ თეიმურაზ ჯორბენაძის სახელობის ქალაქ ქობულეთის №3 საჯარო სკოლა
- სსიპ ხელვაჩაურის მუნიციპალიტეტის დაბა მახინჯაურის საჯარო სკოლა
- სსიპ ქალაქ ზუგდიდის N5 საჯარო სკოლა
პროექტის განვითარებაში შეტანილი განსაკუთრებული წვლილისთვის სერტიფიკატები გადაეცათ შემდეგი თბილისის 126-ე საჯარო სკოლის, ზუგდიდის მე-5 საჯარო სკოლისა და ხელვაჩაურის რაიონის სოფელ ფერიის საჯარო სკოლის STEAM ინოვაციური სივრცეების ხელმძღვანელებს.
ღონისძიებაზე განსაკუთრებით გამოიკვეთა ხაზს უსვამს STEAM განათლების გადამწყვეტი მნიშვნელობას ახალი თაობის მომზადებისთვის.
კონკურსის მიზანი იყო არა მხოლოდ STEAM საგნების მიმართ მოსწავლეთა ინტერესის გაძლიერება, არამედ I2Q პროექტის 200 საპილოტე სკოლაში დანერგილი STEAM ექსტრაკურიკულური პროგრამის შედეგების წარმოდგენა და საუკეთესო გამოცდილების გაზიარება.
პროექტი საკმაოდ მასშტაბური იყო: შესარჩევი ტური მთელი ქვეყნის მასშტაბით ჩატარდა ორ ეტაპად, რომელშიც 200 საპილოტე სკოლიდან 150-მდე სკოლამ მიიღო მონაწილეობა. მოსწავლეებმა მოამზადეს შთამბეჭდავი STEAM პროექტები, რომლებიც ითვალისწინებდა ზოგადი განათლების სამივე საფეხურს: დაწყებითი საფეხურის მოსწავლეების საკონკურსო თემა იყო საუკეთესო სათამაშო მოედანი, საბაზო საფეხურის – ეპიკური სკოლა, ხოლო საშუალო საფეხურის – მომავლის ქალაქი.
I2Q პროექტის ფარგლებში STEAM ექსრაკურიკულური პროგრამა 200 საპილოტე სკოლაში, 2023-2025 წლებში დაინერგა. 200-ვე სკოლა აღჭურვილია STEAM საგანმანათლებლო ნაკრებებით, 12 მათგანში კი განსაკუთრებული ინოვაციური სივრცეა მოწყობილი. ეს 12 სკოლა რეგიონის სკოლებისთვის ასრულებს STEAM ჰაბის ფუნქციას და უზიარებს მათ ახალ ცოდნასა და გამოცდილებას.
აქტივობა განხორციელდა მსოფლიო ბანკის მხარდაჭერით, „ინოვაციის, ინკლუზიურობის და ხარისხის პროექტი – საქართველო I2Q (WB)“ პროექტის ფარგლებში. I2Q პროექტის ზოგადი განათლების კომპონენტის ფარგლებში საკონსულტაციო სამუშაოებს ასრულებს საერთაშორისო კონსორციუმი IBF Expertise S.A. სკოლებს მხარდაჭერას და კონსულტაციებს 2024-2025 აკადემიური წლის განმავლობაში საკონსულტაციო კომპანიის IBF Expertise SA საერთაშორისო ექსპერტი, პროფესორი ჯეფრი ნოვაკი უწევდა.